भारतले गर्‍यो नेपालविरूद्ध गोल

काठमाडौंको दशरथ रंगशालामा जारी खेलमा भारतले नेपालविरूद्ध पहिलो गोल गरेको छ। भारतका फारूख चौधरीले ६२ औं मिनेटमा गोल गरेका हुन्।

पहिलो हाफ गोलरहित रहेपनि दोस्रो हाफमा भारतले गोल गरेको हो।

भारतविरुद्धको दोस्रो मैत्रीपूर्ण खेलमा नेपालले तीन परिवर्तन गरेको थियो। अघिल्लो खेल खेलेका अन्जन विष्ट, सुमन अर्याल र नवयुग श्रेष्ठ आजको खेलमा पहिलो रोजाइमा छैनन्।  सुजल श्रेष्ठ, मनिष डाँगी र आसिस लामाले पहिलो रोजाइमा स्थान पाएका छन्।

नेपाल र  भारतले आगामी महिना माल्दिभ्समा हुने साफ च्याम्पियनसिपको तयारीका लागि मैत्रीपूर्ण खेल खेलेका हुन्।

यसअघि बिहीबार भएको पहिलो मैत्रीपूर्ण खेल १-१ गोलको बराबरीमा सकिएको थियो।

खेलमा नेपालले अग्रता लिए पनि भारतले बराबरी गोल फर्काएको थियो।

नेपालका लागि अञ्जन विष्टले गोल गर्दा भारतका अनिरुद्ध थापाले बराबरी गोल फर्काएका थिए।

सम्बन्धित खवर

ताजा समाचार

लोकप्रिय