राजनीतिक स्थिरता र मृत संवैधानिक व्यवस्थाले आर्थिक समृद्धि आउँदैन:आजपा

काठमाडौं । आम जनता पार्टी (आजपा)ले गलत संवैधानिक प्रावधानले गर्दा देशमा राजनीतिक एवं आर्थिक संकट बढदै गएको जनाएको छ । राजनीतिक स्थायित्व एवं समृद्धिका लागि अहिलेको संविधान खारेज गरी नयाँ संविधानका लागि विद्रोहको आवश्यक्ता रहेको आजपाको निष्कर्ष रहेको छ ।

आजपा प्रवक्ता चन्द्रभुषण साहले आज एक बिज्ञप्ती जारी गर्दै गलत संवैधानिक व्यवस्थाका कारण राजनीतिक, आर्थिक, धार्मिक एवं सम्प्रदायिक हिंसाको माहौल बढदै गएको जनाएका छन् । यसै साता विराटनगर पुगेका आजाप अध्यक्ष एवं पूर्वमन्त्री प्रभु साहले समेत अहिलेको संविधानको अन्त्येष्टि गर्नुपर्ने अभिव्यक्ति दिएका थिए ।

‘गलत संवैधानिक प्रावधानहरूले गर्दा देशमा दिनप्रतिदिन राजनीतिक एवं आर्थिक संकट बढ्दै जानु, धार्मिक, संस्कृतिक एवं साम्प्रदायिक हिंसाको माहौल बढ्दै जानु, राज्य भ्रष्टाचार एवं कुशासनको दुष्चक्रमा फस्नु, लोकतन्त्रको स्थानमा दलीय लुटतन्त्र ९दलतन्त्र० क्रियाशील रहनु, स्थिरता, बदलाव, विकास र समृद्धिको सपना चक्नाचुर हुनु अर्थात समग्रमा भन्नुपर्दा संवैधानिक दोषहरुको कारणले गर्दा देश अग्रगति भन्दापनि अधोगतितर्फ लागेको देखिन्छ’ आजपा प्रवक्ता साहले भनेका छन् ।

नेपालको संविधान निर्माण पश्चात् यसको सफल कार्यान्वयन मार्फत देशबाट संक्रमणकाल र राजनीतिक द्वन्द्वको अन्त्य सहित स्थिरता, सुशासन, बदलाव र विकासले गति लिने अपेक्षा गरिए पछि गलत संवैधानिक व्यवस्थाकै कारण देशले सफलता हासिल गर्न नसकेको आजपाको निष्कर्ष रहेको छ ।

यस गलत एवं विकृत संविधानको भण्डाफोर गर्दै यथाशीघ्र मुलुक र आम जनताको दीर्घकालिक हितको प्राप्ति, रक्षा एवं विकास हुन सक्ने गरी आम नेपाली जनताको मनोभाव तथा विभिन्न परिवर्तनका आन्दोलनहरुको मुलमर्म अनुरूपको नयाँ व्यवस्था ल्याउन तर्फ अग्रसर हुन आजपाले आह्वान गरेको छ ।

नेपालको संविधान कुनै निश्चित दर्शन, सिद्धान्त र शासन प्रणालीमा आधारित नभई राजनीतिक भागबण्डा (लेनदेन) को आधारमा भएकोले संविधान कार्यन्वयनको पहिलो दशकमा नै यसले आफ्नो दुर्गुणहरु देखाउन थालिसकेको आजपाले जनाएको छ ।

‘देशमा सन्तुलित गाँस, सुरक्षित आवास, राम्रो कपास, गुणस्तरीय शिक्षा, राम्रो स्वास्थ्य उपाचार, भरपर्दो रोजगारी जस्ता आधरभूत मौलिकहकहरुको समेत सफल कार्यान्वयन हुन सकिरहेको छैन्’ आजपाले भनेको छ, ‘देश अराजकता र सिन्डिकेटवादको दलदलीमा फस्दै गएको छ । संघीय लोकतान्त्रिक गणतन्त्रात्मक राज्य व्यवस्था, धर्मनिरपेक्षता, समानुपातिक प्रतिनिधित्व आदि सबै केवल हात्तीको देखाउने दात्तमा सिमित रहेको छ ।’

सारमा व्यवस्था परिवर्तन भएको देखिएतापनि सारतः कार्यान्वयनमा उही पुरानोभन्दा पनि विकृत गण्डा व्यवस्था रहेको जनाउँदै आजपाले अगाडी भनेको छ, ‘यस मृत संवैधानिक व्यवस्थाहरुको समयमैं अन्त्येष्टि नगर्ने हो भने यसको बढ्दो दुर्गन्धले देश र जनतालाई अझ अस्वस्थ बनाई थप दुःख पीडा दिने निश्चित छ । नीति, नियत र नेतृत्वको समष्टिगत रुप नै नतीजा हुने भएकाले अवस्थालाई व्यवस्थासँग अलग गर्न मिल्दैन ।’

संविधान सभाबाट नेपालको संविधान जारी हुँदै गर्दा देश मुख्यतः दुई चिरामा विभाजन भएको थियो । एउटा पक्षले यो संविधान विश्वकै सर्वोत्कृष्ट संविधान हो भनेर रट लगाउँदै दीपावली मनाउँदै थिए भने अर्को पक्षले यो संविधान विगतको राजनीतिक प्रतिबद्धता र आफ्नो निर्दिष्ट लक्ष्यबाट विमुख भएकोले यसलाई मान्न सकिँदैन भनेर असोज ३ लाई कालो दिनको रुपमा ब्लॉक आउट गरेर आन्दोलन गर्दै थिए । जसले गर्दा संविधान घोषणाको पहिलो गाँसमै ढुङ्गा परेजस्तो भएको आजपा प्रवक्ता साहले जनाएका छन् ।

सम्बन्धित खवर

ताजा समाचार

लोकप्रिय